राष्ट्रपतिलाई फेसबुकमा घिन्लाग्दो गाली गर्ने सुनार ...हेर्नुहोस उनि को बाट परिचालित थिए ...?

कपिलवस्तु । राष्ट्रपति विद्यादेबी भण्डारीको गाडी खरिद प्रकरणसंग जोडेर अत्यन्तै तल्लो दर्जाको अपमानजनक शब्द प्रयोग गरेर फेसबुक स्टाटस लेख्ने एक स्वघोषित पत्रकार तौलिहवावाट पक्राउ परेका छन् ।

सोनुकुमार सुनार नाम गरेका हुँदा मोडल रेडियो तौलिहवाका एक स्वघोषित पत्रकारलाई जिल्ला प्रहरी कार्यालय कपिलवस्तुले रेडियोको स्टेशन भन्दा वाहिरवाटै बुधवार साँझ नियन्त्रणमा लिएको हो । प्रहरी उपरिक्षक भोजजंग शाहले सुनारले साइवर अपराध गरेको विषयमा अनुसन्धान गर्न पक्राउ गरिएको वताउनु भयो । कक्षा ८ मात्र पढेका कारण नेपाल पत्रकार महासंघको सदस्यता समेत पाउन नसकेका प्राविधिक कर्मचारीले पछिल्लो समयमा आफुलाई सो रेडियोको मेनेजर भएको दावि गर्दै आएका थिए ।

इन्टरनेटको प्रयोगमार्फत गरिने चरित्र हत्या, हिंसा फैलाउने कार्य, यौनजन्य हिंसा, इण्टरनेट फ्रड (धोकाधडी), अर्काको पहिचान अनधिकृत रूपमा प्रयोग, क्रेडिट कार्ड तथा एकाउण्ट आदिको चोरी गरी गरिने बैङ्किङ कसुर, अर्काको कम्प्युटर, विद्युतीय उपकरण तथा नेटवर्कमा पुर्याइउने क्षति लगायत अवैधानिक कार्यलाई पनि विश्वका अधिकांश मुलुकका कानूनले साइबर अपराध मानेको छ । नेपालमा प्रहरीले साइवर अपराधको नियमनका लागि विद्युतीय कारोबार ऐन २०६३ को प्रयोग गरिँदै आएको छ। उक्त ऐनको दफा ४७ नेपालमा हुने साइवर अपराध रोक्न सबैभन्दा बढी प्रयोग हुने दफा हो। यस दफाले कम्प्यूटर, इन्टरनेट लगायतका विद्युतीय सञ्चार माध्यमहरुमा नैतिकता, शिष्टाचारविरुद्धका सामग्री, कसैप्रति घृणा वा द्वेष फैलाउने सामग्री प्रकाशन वा प्रदर्शन गरे दोषीलाई १ लाख रुपैयाँ जरिवाना वा ५ वर्षसम्म कैद वा दुबै सजाय हुन सक्ने व्यवस्था गरेको छ । यता पक्राउपरेका सुनारलाई कडा कारवाहीको माग गर्दै बीहिवार अधिकारकर्मीहरुले प्रशासनलाई ज्ञापनपत्र बुझाउने तैयारी गरेका छन् ।

Labels: समाचार