रगत पसिनाको सात महिनाको तलब माया मारेर ज्यान जोगाउँदै १० नेपाली स्वदेश फर्किए

नेपालस्थित लक्की एचआर मेनपावर कम्पनीबाट गत वर्ष जुलाईमा साउदी अरबको सलमान हसन अल मार्थु कम्पनीमा पठाइएका र यातना भोगी नेपाल आउन गुहार मागेका १० नेपाली नेपालका लागि प्रस्थान गरेका छन् ।
साउदी अरबको एयर अरेबियाको जहाजमार्फत उनीहरू आजै (बुधबार) बिहान ९ बजे नेपालतर्फ उडेका हुन् ।
पीडितलाई नेपाली साझा मञ्च र साथी अभियानको सक्रीयता र समन्वयमा नेपाली दूतावासका स्थानीय कर्मचारी हरि घिमिरेले आउटपास र एक्जिट भिसा मंगलबार दिलाएपछि घर फर्किएका हुन् । नेपालस्थित मेनपावर एजेन्सीले पीडितलाई हवाई टिकट उपलब्ध गराएको हो ।
युवाका अनुसार साउदी अरबको कतिफक्षेत्र अन्तर्गतको अवमियामा राखिएका उनीहरूलाई पुगेकै दिनदेखि दुई दिनमा एक छाकमात्रै खाना दिने र बोलेमा कुटपिट गर्ने र पेस्तोल देखाएर “तिमीहरु नेपालीलाई यही मारेर बालुवामा फ्याँकिदिन्छु” भन्दै कपिल (मालिक) ले बारम्बार धम्की दिने गरेका थिए । तीन जना कपिल रहेको र उनीहरूको घरमा काम लगाउने साथै कुटपिट गरिरहन्थे त्यस्तो उत्पीडन सहन नसकेर उनीहरूले पाउने ७ महिनाको तलब माया मारेर फर्केका हुन् ।
गत बिहिबार १ बजे राति कपिलले उनीहरुलाई राखेको अवमियाको मजरामा आई मेनपावरलाई किन खबर गरिस्, काम गर्न जान्छस् कि जान्नस्” भन्दै सोद्धा खाना र तलब नदिएसम्म जान्नौँ भनेपछि कुटपिट गरेर “तेरो नेपाल जाने बाटो यही हो, जता जान्छस् जा । फर्केर आइस भने मारेर फालिदिन्छु” भन्दै पेस्तोल देखाएर केहीलाई अज्ञात स्थलमा पुराई छाडेर अलपत्र पारिएको थियो ।
त्यसपश्चात् उनीहरु शुक्रबार बिहान अन्य व्यक्तिको सहारा र मञ्चका अभिन्यताको सल्लाहमा दम्मामको सिको गार्डेन पुगेका थिए । मञ्चका साउदी अरब संयोजक कृष्ण पुरीले उनीहरूलाई खान बस्नका लागि मेनपावरका प्रतिनिधि काप्रीसँग समन्वय गरेर व्यवथा गरिदिएका थिए ।
गत बिहिबार १ बजे राति कपिलले उनीहरुलाई राखेको अवमियाको मजरामा आई मेनपावरलाई किन खबर गरिस्, काम गर्न जान्छस् कि जान्नस्” भन्दै सोद्धा खाना र तलब नदिएसम्म जान्नौँ भनेपछि कुटपिट गरेर “तेरो नेपाल जाने बाटो यही हो, जता जान्छस् जा । फर्केर आइस भने मारेर फालिदिन्छु” भन्दै पेस्तोल देखाएर केहीलाई अज्ञात स्थलमा पुराई छाडेर अलपत्र पारिएको थियो ।
त्यसपश्चात् उनीहरु शुक्रबार बिहान अन्य व्यक्तिको सहारा र मञ्चका अभिन्यताको सल्लाहमा दम्मामको सिको गार्डेन पुगेका थिए । मञ्चका साउदी अरब संयोजक कृष्ण पुरीले उनीहरूलाई खान बस्नका लागि मेनपावरका प्रतिनिधि काप्रीसँग समन्वय गरेर व्यवथा गरिदिएका थिए ।

Labels: समाचार